Shillong, Naiwieng 25: Mynta ka sngi ki pulit jong ka jylla Assam kila leit ban khang khyrdep ia ka jaka sumar is kaba la ngoh ka jingdih drok kaba la ai kyrteng ka Alive Again Foundation kaba don ha Hatishila, Chandrapur Guwahati.
Haba u SP News Agency u la ioh ban ia kren bad kawei na kiba ha iing ba shah sumar ha katei ka jaka kala long ithuh ba ki nongpyniaid ia katei ka jaka kila phet bad ki pulit ka jylla Assam kila wan khang khyrdep noh ia kane ka jaka ai jingsumar.
Khlem da pynpaw ia ka kyrteng jong ka kong kaba la ioh ban ia kren kala ong ba ha dien ba la ioh ia ka jingkhubor ba shah shoh u wei na kiba shah sumar ha kane ka jaka, mynta ka sngi ki la leit sha katei ka jaka ban sei noh ia u la ba ha iing, hynrei da poi ha kane ka jaka kiba bun ki ong ban iaral lem ban sei noh iaki.
Kala mih ka jingpyrta na kiba shah sumar ba ka dang lah ban shong ha phatok ban ia kaba ki sah ha kane ka jaka, kane ka jaka ka don ar tylli ki jaka sumar ki khot ka Unit-II ki don 23 tam bad ka Unit-I ki don 70, la ong ba ha Unit-II ki dang don kiba sah kut ha poh namar lakhang tala.
U wei na kiba shah shumar ha katei ka jaka la iathuh ba tang bakla kila shah shoh shah bom bad kawei na ki dur kala lait sha bar bad ka mih ka khubor, ka long ba ha kane ka jaka ki don kiba leit buh ka seng HYC bad don kiba leit buh hi kiba ha iing.
La iathuh ba ha kane ka jaka sumar kam don nongtrei hynrei la pyndon kam ia kiba shah sumar ban trei naduh ki ki kam shet haduh ki kam ophis baroh kiba treikam ki dei beit da ki nongpang sumar, ha ka por pyndap phom ki ong 6 bnai hynrei ka poi haduh ar snem ruh.
Mynta ka jan miet u President ka seng HYC u bah Roykupar Symrem la pyntip ba la hiar sha katei ka jaka ban leit shaw noh ia kito kiba la shah sumar ba don ha katei ka jaka haduh ban da ia shai ia kine kiei kiei baroh.
