New Delhi, Naiwieng 25: Ka sorkar India ka la pynbna ka jingsdang ia ka jingrakhe kaban neh baroh shi snem ban pyndon burom ia ka jingdap 75 snem ka jingpdiang ia ka RitiSynshar jong ka ri, u mawmer ba pyni ia ka jingiaid lynti ba kyrpang jong ka synsharpaidbah jong ngi bad ka hiar pateng jong ki jingngeit jong ka Riti Synshar ka ban sdang ha ka Constitution Day, ha ka 26 tarik Naiwieng 2024.
La pynlong ia kine ki jingrakhe hapoh ka campaign “Hamara Samvidhan, Hamara Swabhimaan” bad ka thmu ban pyndon burom ia ki jingnoh synniang jong ki nongthaw ia ka Riti Synshar bad batai ia ki nongrim kiba don hapoh jong ka.
Ha ka 26 tarik Naiwieng 1949, ka Constituent Assembly of India ka la pdiang ia ka RitiSynshar jong ka ri, kaba la treikam ha ka 26 tarik Kyllalyngkot 1950, kaba long ka jingsdang jong ka por ba thymmai ha ka histori jong ka ri.
Kane ka sngi kalong kaba kongsan namar kadei ka dak jong ka jing pdiang ia ka RitiSynsharkaba jrong tam ha ka pyrthei, ka mat kaba kongsan jong ka synsharpaidbah ha India. Naduh ba la sdang ia ka, ka RitiSynshar kalong kum ka jingbatai ia ka rkom treikam kaba la saindur ia ka jingkiew shaphrang jong ka ri ha kine ki 75 snem ba la leit.
Ka jingrakhe – Ki Mat ba kongsan, Ka Website kaba kyrpang (constitution75.com): La saindur ia ka website ba kyrpang, ka constitution75.comban iarap ia ki briew jong ka ri ba kin iohi ia ka pateng jong ka RitiSynshar lyngba ki prokram iamir jingmut.
Ka website ka kynthup, Ka jingpuleia ka Preamble bad ka jingringvideo: Ki briew jong ka ri ki lah ban iashim bynta ha ka campaign da kaba ring ia ki video ha ka jingpule ia ka Preamble jong ka RitiSynshar ha ki ktien ba ki kwah. Lah ban upload ia ki video ha ka website bad ki lah ruh ban download ia ka syrnot jong ka jingiashim bynta.
Ka jingpeit ia ka RitiSynshar ha ki ktien bapher bapher: Lah ban ioh ia ka jingthoh ba pura jong ka RitiSynshar ha ki ktien bapher bapher, ha kaba baroh ki briew jong ka ri ki lah ban ioh bynta ia ka.
Ka jingpeit ia ka histori: Ioh jingtip shaphang ka jingthaw ia ka RitiSynshar, pule ia ki jingiatainia na ka Constituent Assembly, ki kaiphod jong ki committee bapher bapher ba don bynta ha ka jingthaw ia ka RitiSynshar bad sngewthuh ia ki nongrimkiba tei ia ka India kaba mynta.
Ki bynta bapher bapher: “Sngewthuh ia ka RitiSynshar jong phi”, ka bynta ba ioh bor na ka AI, ha kaba ki briew ki lah ban kyllijingkylli shaphang ka RitiSynshar bad ioh ia ki jubab ba bniah ba iadei bad ka RitiSynshar jong ka ri.
Ka jingpule lang ia ka Preamble ha ka 26 tarik Naiwieng, 2024, Ha ka 26 tarik Naiwieng 2024, naduh ki skul haduh ki ophis, naduh ki nongbah haduh ki shnong, da ki million ha kylleng ka ri kin pule lang ia ka Preamble.
Buh jingkynmawia kane ka por da kaba upload ia ki selfie jong phi bad ki video jong phi ha ka website (constitution75.com) bad iasam ia ki ha ka social media da ka jingsngewsarong.
Ka jingialang pliepaidbah ha Central Hall jong ka Parliament ha ka 26 tarik Naiwieng 2024, Yn pynlong ia ka jingialang pliepaidbah kaba heh ha Central Hall jong ka Parliament, ban ialam da ka President jong ka ri, ha ka jingiadonlang u Vice President, Myntri Rangbah Duh, U Shongknor jong ka iing dorbar thawain LokSabha bad kiwei kiwei ki kynrem ki lyndan.
Ki mat ba kongsan jong ka prokram, Ka jingpyniia ka phlimlyngkotkaba la aiti sha ka jingkhraw jong ka RitiSynshar jong ka ri, ka jingthaw bad ka jingiaid lynti jong ka. Ka jingpyllaitia ka pisa nar bad ka Stamp kaba la aiti sha ka lyngkhuh dap 75 snem jong ka jingpdiang ia ka RitiSynshar jong ka ri.
Ka jingpyllait ia ki kot ba la ai kyrteng “Making of the Constitution of India: A Glimpse” bad ka “Making of the Constitution of India & its Glorious Journey” Ka jingpyllaitia ka kot ba la aiti sha ka RitiSynshar jong ka India. Ka jingpyllaitia ka RitiSynshar jong ka ri ha ka Sanskrit. Ka jingpyllaitia ka RitiSynshar jong ka ri ha ka Maithili. Ka jingpuleia ka Preamble ban ialam da ka President jong ka ri.
Ka Sorkar India ka la kyntu ia ki briew jong ka ri ban iadon bynta ha kane ka jingialang ba kyrpang bad pyni ia ka jingsngew sarong jong ngi baroh ia ka RitiSynshar jong ngi bad pyni ia ka jingieng skhem jong ngi na ka bynta ki nongrim jong ka synsharpaidbahjong ka ri.
Kumno ban iashim bynta, Leit sha ka constitution75.com ban pule ia ka Preamble jong ka RitiSynshar, ring dur bad upload ia ki video, bad download ia ka syrnot jong ka jingiashim bynta. Peit ia ki bynta ba don ha ka website, peit ia ka RitiSynshar ha ki ktien bapher bapher, bad ioh jingtip shuh shuh shaphang ka jingiaid lynti kaba ai ia ka rukom treikam ka India.
Iasnoh ktilang bad ka jingiakhihha kylleng ka ri ha ka 26 tarik Naiwieng 2024, iashim bynta ha ka jingpule ia ka Preamble ha ki skul, ki kolej, ki ophis sorkar bad ki ophis shimet, ki panchayat, bad kiwei kiwei ha kylleng ka ri. Iasamia ka jingiashim bynta jong phi ha ka rynsan social media ban ai mynsiem ia kiwei.
