Shillong, Naiwieng 27: Ka BJP Meghalaya State Unit kala pynlong ia ka jingrakhe kaban long shisnem lynter ban pyndon burom ia ka Riti Synshar ka Ri India kaba la sdang ha ka 26/11/2024. Ka BJP ha Meghalaya kan bteng ia kane ka jingrakhe haduh ka 26/Kyllalyngkot/2025
Ia ka jingrakhe ka pynlong ha kata ka rukom ban burom ia ka jinglong ba kyntang jong ka Riti Synshar ka Ri India kaba yn lah ban pynkhien ia ka namar ia ka nongrim baroh la buh ha ka bad kala iada ia ka ri bad ban iatylli kawei.Ka jingialang jong ka party BJP ban rakhe ia kane ka jingleh burom ka long ban pynshai sha ki paidbah ba ki sngi kiba dum kin nym wan shuh ha ka ri kum ha ka por jong ka jingsynshar dorbor kabala pynshang ban pynthud ia ka riti synshar, lada pyrshang kannym urlong.
Ka jingtip ia ka riti synshar kan pynthikna ba ki jingialam bakla da ka jingthmu pynpra ia ka ri kan nym urlong dalei lei ruh em namar ka jingleh dei tang ialeh ban ioh burom ha ka sain pyrthei kaba shipor bad ka jingialeh ka long ban pynrem ha baroh ki liang ia kiba ialeh pyrshah.
Ka BJP ka pynkynmaw ba bun ki bor kiba na shalyndet kiba la pyrshang ban pynpra bad pynpiaid iaka Ri India, hynrei namar ka riti synshar ka long halor kibor ba kwah banpynthud kimlah ban leh ei ei ha pdeng ba ka ri ka don ka jingeh, la kyntu ia ki paidbah ka Meghalaya ban ia shnoh kti lang ban burom ia ka jingdap 75 snem ka riti synshar ka ri India.
