Shillong, Naiwieng 27: U myntri rangbah ka jylla u Conrad K Sangma u la kren shai ba wat la ka party NPP kala ioh ia ka jingbun paidbah ha kaba kila don 32 ngut ki MLA ha ka iing dorbar kaba 60 ngut, ka jingiatreilang bad kiwei ki party kan dang iaid bteng ha kane ka sorkar MDA.
Haba kren ha ki lat pathai khubor ha dien bala dep ban pynsamai ia ka MLA jong ka 56-Gambegre (ST) Assembly Konstitwensi ka Dr. Mehtab Chandee Agitok Sangma la pynpaw ia ka jingsngewnguh ia ki paidbah ka Gambegre Konstitwensi kiba la pynjop ia ka party NPP.
U la ong ba ka jingjied jong ki paidbah ka shong ha ki kam pynroi kaba ka sorkar kala trei ha kine kis nem bad ki paidbah kane ka konstitwensi ki kwah ban ioh bynta lang ha ki kam pynroi, ka party kam juh jop na kane ka jaka hynrei mynta kila pynjop ia ka party mynta ka kynti.
U myntri rangbah u la ong ban ong haba pyntrei ia ki kam pynroi kam long na ka bynta ka jylla baroh kawei ka jylla, ka dei ka jingshisha ia ka jingdawa ban ioh myntri katkum ki District hynrei yn nym lah ban leh ia kane namar ki trei na ka bynta ka jylla baroh kawei.
U myntri rangbah ka jylla u la ong ba ka thong jong ka sorkar ka long ban trei na ka bynta ka roi ka par jong ka jylla bad kane ka jingiatreilang kan dang iai bteng na ka bynta ka jingmyntoi ki paidbah ka jylla.
