Shillong, Naiwieng 27: U Lamphang ka iing dorbar thawain ka jylla u Thomas A Sangma u la ong ba ka rai ka jong u ka dei kaba kut ha kaba ia dei bad ka jingpdiang ia ki 3 ngut ki MLA ka Congress sha ka party NPP.
Haba jubab ia ki jingkylli u Lamphang ka iing dorbar thawain ka jylla u la ong ba lada don ki jingujor ki lah ban ujor ym lah ban khang bad ynda la ioh ia ki jingujor yn sa peit ia kata, hynrei ka rai kaba u la ai ka dei kaba kut.
La ba ha ka synshar paidbah lah ban ujor, lada la ioh ia ka jingujur shah phah sha ki stad ban peit ia ka ain, ia mynta ka rai kaba u la ai ka dang ieng haduh mynta ha kaba ia dei bad ki MLA kiba la pyniasoh sha ka NPP.
Ha ka juh ka por u Lamphang ka iing dorbar ka jylla u la pynpaw ia ka jingsngewkmen ban iohi ba ka iing dorbar thawain ka jylla mynta kala dons aw ngut ki long kmie kum ki nongmih khmat paidbah sha ka iing dorbar thawain ka jylla.
