Shillong, Naiwieng 27: Ka jingialang jong ka kabinet kaba ka long mynta ka sngi kala pdiang ia ka rai ban don ia ka Meghalaya Health Academic Rules 2024, kane ka long ban pynthikna ban pyntrei kam ia ki ar tylli ki jaka pule doktor ha ka jylla ha ka por ba biang.
Ka myntri ka koit ka khiah haba kren ha ki lat pathai khubor ha dien bala wai ka jingialang ka kabinet, ka long ban ioh ban thung ia ki nongtrei bad ki nonghikai ha ki jaka pule doktor ha ka jylla la don kam ban don noh ia ki rule thungkam ba kin pyniaid ia ki Medical College.Kane ka long ban dup ioh ban pynkhreh ban pyntreikam ia ka Shillong Medical College.
Kwei pat kaba ka Kabinet kala pdiang ha kane ka jingialang ka long ka Meghalaya Dental Service Rules, kumba ka long ka jylla kam pat don ia ka rule ha kaba ia dei bad ki doktor bniat ha ka jylla ha ka tand ka koit ka khiah bad kane kan pynsted ia ka jingtrei kam ha kaba ia dei bad ki dotor bniat ha ka jingkyntiew kyrdan bad ka rukom thungkam.
Ha kane ka jingialang jong ka kabinet mynta ka sngi kala pdiang ruh ia ka Meghalaya Journalist Welfare Scheme, kane kan treikam noh bad kaei kaba ka sorkar ka leh yn iai pyntip na ka por sha ka por sha ki lat pathai khubor.
Ka myntri kala ong ba kine ki rule kiba la pdiang ha ka kabinet mynta ka sngi ka dei na ka bynta ban pyniaid ia ki Medical College kiba dei jong ka sorkar bad kane ka rule ka long ban pynbiad ha kaba ia dei bad ka jingthungkam ha ki jaka pule doktor.
