Shillong, Kyllalyngkot 13: Mynta ka sngi u myntri ba dei peit ia ki kam ialehkai u bah Shakliar Warjri u la plie paidbah ia ka jingrwai jong ka 6th Meghalaya Games bad ia ka Mascot “U Kiang” kum ka jingsdang ia ka Meghalaya Games bad ka jingrwai ka long “Niom Beit Naphang” kaba kren ia k mynsiem ialehkai bad ka mysiem u nongialehkai bad ka Mascot ka kren ia ka mynsiem u nongialeh laitluid.
Haba kren ha kane ka jingkren plie ia ka 6th Meghalaya Games na ka liang jong u myntri u la ban jur ia ka jingialeh ka sorkar ban bei pisa ha kaba shna ia ki jingtei bad ban kyntiew ia ki samla bad ka sorkar kala pynleit jingmut ban pynlut ha kaba shna ia ki jaka ban pynbiang ia ki jaka ialehkai daba ia jingkyrshan ruh ia ki kynhun ba ia dei bad ki kam ialehkai.
Ka sorkar kan pynlait jingmut ban pyndon kam ia ki jaka kiba la don ha ki skul bad ki kolej, ha ka jaka ban shna ia kiba thymmai bad kane ka long ban pynbiang ia kiba la don bad kane ka long ban ioh jingmyntoi ki jaka pule.
U myntri la ong ba ka sorkar ka don ia ka thong ban pynkupbor iaki khynnah ha ki kam ialehkai ym tang ha ka jylla hynrei ba kin paw ha ka ri bad ka pyrthei ruh kumjuh bad ba leh ia kane kan shimpor sei ia ki thei bad ki rangialehkai.
Ha kane ka sngi u myntri u la pynpaw ia ka jingsngewnguh ia ka jingdon lang u MLA ka Jowai bala ai ka jingkyrshan ia ka sorkar bad ka jingkyrshan jong u ia ki nongialehkai kiba dang pynkhreh na ka bynta ki jingialehkai bapher bapher ki ban dang wan. Ha dien bala kut ka jialang la leit ban jngoh ia ki jaka ba la pynreh ban ia lehkai kumba juh na ka bynta ka National Games.
Ha kane ka sngi la don lang u MLA ka Jowai u bah Wailadmiki Shylla bad dei u Chairman ka Muda ba dei ruh u nongai buid ka District level Organising Committee, u Working president Meghalaya State Olympic Association (MSOA), u bah John Kharshiing, Vice President MSOA bad Chairperson ka Reception Committee ha ka State Level, Secretary ba dei ruh secretary ka sorkar Government kong Matsiewdor War Nongbri, General Secretary MSOA u bah Finely Pariat, Deputy Commissioner u bah B.S Sohliya, IAS, Superintendent kiPolice C.Syrti MPS, bad ki rangbah shnong ka sor Jowai.
