Shillong, Kyllalygkot 13: Ka tnad ba dei peit ia ka mariang ka “Metrological Department” ka sorkar pdeng ka n pynlong ia ka jingrakhe kaba ar sngi katta ha ka 14 bad 15 tarik mynta u bnai ia ka jingdap 150 snem ka jingtreikam jong kane ka tnad sorkar.
Ka jingrakhe kaba kongsan duh kan long ha Bharat Mandapam, New Delhi ha kaba u myntri rangbah duh jong ka Ri India yn sa plie ia u mawnongrim jong kane ka jingdap 150 snem ha kaba u Dr. Jitendra Singh myntri ka sorkar pdeng un ia don lang.
Kiwei ki ban ia don lang ha kane ka sngi kin long Prof. Celeste Saulo, Secretary General, World Meteorological Organisation (WMO) bad Dr. M Mohapatra, Director General bad Meteorology, IMD.
Ia kane ka jingialah ban rakhe ia ka jingdap 150 snem ban long ha Delhi yn sa pyni ha ka juh ka pir ha MC Shillong ha ka por 10.00 baje mynstep bad kan sa don ka jingkren na Dr. A.C. Lyngdoh, Scientist-F & Head, CSO Shillong, Dr. Clarissa Challam, Scientist & Head, CPRI-Shillong (ICAR) , Dr. Ebromi S. Langsiang, DDMO South West Khashi Hills District.
U Rivertis Pariong, Meteorologist (IMD), Team Leader jong ka Bharati Station, 43rd Indian Scientific Expedition sha Antarctica (43-ISEA) bad kan sa kan ka jingiamir jingmut halor ka jingai jingip lypa ia ka jinglynshop ka mariang.
Ha ka 15/1/2025 ka shnat treikam ka Meteorological Centre Shillong kan pynlong ia ka jingpyninam ia baroh na ka bynta ki khynnah skul , kiwei kiwei ha katei ka jaka treikam naduh ka por 10.00 baje mynstep haduh ka por 5.00 baje noh phai sngi.
