Shillong, Kyllalyngkot 14: Ka kong Wansuk Syiem nongialam ka party Congress mynta ka sngi kala pynbna sa lai ngut ki kyrtong MDC na ka por ban ia khun ia ka MDC sha ka iing dorbar jong ka JHADC.
Ki lai ngut ki kyrtong kiba la pynlait paidbah mynta ka sngi ki long u bah Pynbiangmi Laloo na 17-Mowkaiaw, u bah Brosent Siangshai na na ka 22-Musiang-Rangad bad u bah Bashan Tangliang na 26-Sumer.
Ki lat khubor ki iathuhg ba na ka liang jong ka Congress kala dang pynkhreh ban pyniengh kyrtong na baroh 29 tylli ki konstitwensi hapoh jong ka JHADC bad ka jingiakren bad kiba tyrwa ban ia khun ia ka MDC ka dang iaid bad yn sa lah ban pynmih biang ia ki kyrteng.
