New Delhi, Kyllalyngkot 15: Ka Central Seat Allocation Board (CSAB) – 2025 ka la kyntu ia ki samla na ka thain shateilammihngi ba kin kyntiew kyrteng na ka bynta ka Joint Entrance Examination (JEE) Main 2025.
Ka jingkyntiew kyrteng na ka bynta ka samoi 2 (Iaiong 2025) kan sdang ha ka 31 tarik u Kyllalyngkot, 2025 bad kan kut ha ka 24 tarik u Rymphang, 2025. Ki samla kiba lah ban iashim bynta ki lah ban leit ha ka https://jeemain.nta.nic.in/information-bulletin/ ban ioh ia ki jingtip ba kham bniah.
U Chairperson ka CSAB, Prof. K UmamaheshwarRao u la ong, “Ka thain shatei lammihngi ka don ki samla kiba don ki sap bad kiba don bun ki lad. Nga kyntu ia ki samla ba don sap na ka thain shateilammihngi ba kin shim ia ka kabu bad kyntiew kyrteng na ka bynta ka exam JEE Main 2025. Ka jinglah ban pyndep ia kane ka exam kaba don burom ka lah ban wanrah ia ka jingkylla ha ka jingim, ka ban aibor ia ki na ka bynta ka lawei ha ka science bad ka teknoloji.”
Da kaba ithuh ia ki jingeh ba kyrpang ba ki samla na ka thain shateilammihngi bad na ki Union Territory ki iakynduh, ka CSAB ka la ai ia ki lad ba kyrpang lyngba ki jingiasyllok kum ka CSAB-NEUT.
Ki jylla ka thain shateilammihngi bad katto katne ki Union Territory ban pynbiang ia ki seat ha ki skhulbah ba la ioh jingithuh da ka AICTE bad kiwei kiwei ki skulbah ha kylleng ka India hapoh ka skhim kaba la buh kyrpang ha ka kyrdan Degree Level Technical Course na ka bynta ki jylla , UT ki bym don ia kine ki jingai jingshakri ha ki jaka pule ba la ioh jingithuh na ka AICTE.
Ka round kaba kyrpang jong ka CSAB ka dei na ka bynta ki samla ki bym shym laitni bynta ai jingsyllok ka JoSAA/ CSAB bad ka plie sa kawei ka lad ban ioh pule ha ki jaka pule NIT+.
Ha u 2025, la khmih lynti ba kumba 2000 tylli ki seat kin lait ha ka State Quota na ka bynta ki NIT, IIT bad GFTI ha ki jylla ka thain shateilammihngi, ha ryngkat 740 tylli ki seat ha kylleng ka India hapoh ka thup NEUT.
