Shillong, Kyllalyngkot 15: Kawei ka kali Sumo kaba wan na Assam da poi ha Rattachera ha East Jaintia Hills District kala kylla sha riat bad ha kane ka jingjia 2 ngut ki khlad ha shen bad ar ngut kiwei pat kila mynsaw jur.
Ki shipai BSF kiba don ha katei ka jaka kila iarap ban sei ia kiba mynsaw bad ia kiba khlad ruh kum juh ia ki la rah sha PHC kaba don ha jan ha dien katta la pynkit noh sha Silchar Civil Hospital ban ioh ia ka jingsumar.
Ki kynhun shipai BSF na ka kynhun kaba 172 khlem jingsyier kila iarap ia ki briew kiba la mynsaw kane ka pyni ia ka jingkloi jong ki haba ki shem kano kano ka jingjia kaba sngewsih ki kloi ban iarap.
Ki BSF da ka jingtrei shitom jong ki kila lah ban sei kloi ki ar ngut kiba mynsaw jur bad kum juh ki ar tylli ki met kiba khlad ha kane ka jingjia kaba sngewsih, ki shipai nalor ba ki pahara ia upud u sam ka Ri ki kloi ruhban iarap ha wan ki jingeh.
