Shillong, Rymphang 04:Kum shi bynta ka Press Tour sha Jylla Meghalaya ba la pynlong da ka Press Information Bureau (PIB), Sorkar India, ka kynhun ki nongthoh khubor na Karnataka mynta ka sngi ki la leitjngoh ia ka Directorate General Assam Rifles (DGAR) kaba don ha Laitkor.
Ha kane ka jingleitjngoh, la ai jingtip lyngkotia ka kynhun shaphang ka histori ba riewspah bad ka jingkylla jong ka Assam Rifles, ka jingkhlain jong ka kynhun, ka jingdonkam ha ka jingtreikam, bad ka bynta ba kongsan jong ka ban pynthikna ia ka shongsukshongsain bad ka jingshngain ha ka thain shateilammihngi.
Ki heh ophisar ki la ban jur ïa ki jingjop jong ka kynhun ha ki kam bapher bapher, kynthup ïa ka jingïakhun pyrshah ïa ki kam lehnoh, ka jingpeit ïa ki khappud ha shilynter u pud u sam hapdeng ka India bad Myanmar, bad ka jingïatreilang kaba jan bad ki bor synshar jong ka Myanmar ban tehlakamïa ki kam beain kiba pyniaid na kawei ka ri sha kawei pat.
Ka la don ruh ka jingiakren shaphang ka kam jong ka Assam Rifles ha ki kam iakhun kiba iadei bad kiwei kiwei ki ri bad ka jingphah ia ki shipai sha kiwei kiwei ki ri.
La pynleit jingmut kyrpang halor ka jingïashim bynta jong ki shipai Assam Rifles, kynthup ki shipai kynthei, ha ki kam pynthikna ia ka shongsuk shongsain jong ka United Nations kum ka United Nations Organization Stabilization Mission ha ka Democratic Republic of the Congo (MONUSCO), ha kaba ki la noh synñiangshikatdei ha kaba pynthikna ïa ka shongsukshongsain, ka jingshngain, bad ka jingai jingïarapïa ki briew.
La ban jur ruh halor ka jingkiew ka bynta jong ki kynthei ha ka Assam Rifles, kiba la pynrung nyngkong kum ki riflewomen ha u snem 2015. Ki heh ophisar ki la ban jur ïa ka jingïashim bynta ba radbah jong ki ha ki kam, ka jingpahara ia ka thain khappud, ki kam wad jingtip, ki prokram treikam na ka bynta ki paidbah, bad ki kam ban pynthikna ia ia ka shongsukshongsain ha ka pyrthei, kaba pyni ïa ka jingaiti jong ka kynhun shipai ban pynïasoh lang ïa ki shynrang bad kynthei bad ka jingtreikam kaba bha.
Ha ka jingïalangïamir jingmut, u Brigadier SandipChatterjee, SM, u Brigadier Swarn Singh, VSM, bad kiwei kiwei ki heh ophisar ki la iakren bad ka kynhun ki nongthoh khubor, ki la jubabïa ki jingkylli jong ki bad ïasamïa ki jingshemphang halor ka jingpynkhreh kam, ki jingeh, bad ki sienjam jong ka kynhun shipai na ka bynta ki paidbah.
Ka kynhun ki nongthoh khubor ka la leitjngoh ruh ïa ka Assam Rifles Museum, kaba la pyni ïa ka nam jong ka kynhun shipai lyngba ki tiar kiba don bynta bad ka histori, ki tiar ïaleh, ki uniform, bad ki jingthoh shaphang ka jingshlur. Nalor kata, la ai jingtip lyngkotïa ka kynhun shaphang ki sienjam ba iaibteng jong ka Assam Rifles ha kaba ïakhun pyrshah ïa ka jingkhaiituh bad ki kam beain kiba pyntreikam na kawei ka ri sha kawei pat, kynthup ïa ka jingkurupïa ki mar ba la kheinbeain kum ki dawai pynbuaid, ki tiar ialeh, bad ki tiar siat, kaba kyntiew ïa ka jingiada ia ka thain khappud ha kane ka thaiñ.
Ki nongthoh khubor ki la pynpaw ka jingsngewnguhïa ka jingtbit bad ka jingaitilut jong ki shipai Assam Rifles, da kaba pdiang ïa ka jingnohsynñiang kaba khraw jong ka kynhun shipai sha ka jingshngain jong ka ri bad ka bynta jong ka ha kaba kyrshan ïa ki sienjam ban pynthikna ia ka shongsukshongsain ha ka pyrthei.
