Shillong, Jylliew 14: Ki pulit jong ka nongbah Shillong ha dien ba la ioh ia ka jingujor na u Bah Bhalang Singh Phanbuh bad ha ka 13 tarik mynta u bnai kinongtrei jong u kila shah shoh ha ka jaka trei kaba don ha Mawkynroh Block 3 haduh ba ki la mynsaw.
Ha kane ka jingujor la ong ba ki briew kiba ym lah ban tip kila leit ha katei ka jaka sah ha kaba ki la bom la tied ia ki nongtrei jong u haduh ba kin da mynsaw bad ia ki la kit sha Civil Hospital ban phah surmat.
Halor kane ki pulit kila thwet ia ki nongleh kam sniew kiba la shah kynnoh ba ki don kti ha kane ka kam, bad mynta ka sngi la ioh ban kem lai ngut bad kine ki lai ngut ki long u Franklin Kharkongor 20 snem, u Shri Horsius Mukhim 25 snem bad u Thalainsing Khongsit 32 snem, ia kine baroh lain gut la pyngnat ha ka judicial custody naka bynta khatsaw sngi.