Shillong, Iaiong 07: U Bah DD Lapang MLA jong ka Nongpoh, u la ong ba ka sorkar ka ia leh ban pynbiang ia ki jingdon kam jong ki paidbah khamtam ha ki nongkyndong, ia kane u la ong ha kaba plie ia ka iing jong ka Bharat Nirman Rajiv Gandhi Seva Kendra (BNRGSK) hapoh jong ka shnong Umshaken kaba dei na ka bynta ka Employment Council (AEC), ia kane ka iing la tei ha ka jinglut kaba T.10 lak tyngka.
Ia kane ka iing la tei na ka skhim NREGS, la ong ba kane ka skhim kala iarap shisha ki briew ha ki nongkyndong, u ba Lapng u la ong ba u don ka jingkyrmen ba kane ka iing kan ai ka jingiarap ia ki briew jong katei ka thain bad ka shnong baroh kawei, ha ka juh ka por u la kyntu ia ki paidbah ba kin dang iai beteng ia ka jingiatreilang bad ka sorkar na ka bynta ka roi ka par jong ki shnong ki thaw.