Shillong, Nailar 18: 
Ka Shillong Lajong Academy,India mynta ka sngi kala pynlien ia ka Fujian Outshion FC jong ka Ri China da kaba thep shikol ha ka jingialehkai kaba khatduh ha ka Group B kaba la long mynta ka sngi ha Putian Sports Centre in Putian China.
Ia kane ka kol na ka bynta ka Junior Reds la thep da u kopten jong ka team u Alwinson Bareh ha ka kylla step jong ka jingialehkai. U Alwin u la thep lai tylli ki kol ha kine ki lai sien jong ki jingialehkai.
Da kane ka jingjop mynta ka sngi ha kane ka jingialehkai na ka liang jong ka Shillong Lajong kala ioh rung sha ka quarterfinals jong ka BRICS U-12 International Youth Football Tournament.
Ka Shillong Lajong kan sa ia kynduh bad ka Green Town Yuhua Taohuayuan jong ka Ri China la shai ka sngi Saitjian ha ka por 5.30 baje mynstep jong ka por India.
