Shillong, August 28: Ban kynmaw burom ia ka ‘Quit India Movement’ kaba dei ka jingiakhun ban pynlait luid ia ka Ri India na ka jingshah tehmraw ha ki nongwei, hapoh ka jingialam jong u kpa ka jaidbynriew u Mahatma Gandhi, baroh ki paidbah jong ka Ri India kila ia snoh kti lang ban weng noh ia ka jingsynsahr ki phareng.
Dei ha dien san snem jong ka jingsdang ia kane ka Quit India Movement ka Ri India ha ka 15 tarik Nailar kala ioh ia ka jinglaitluid ha u snem 1947. Ka Ri India san snem nangne sha khmay kan sa rakhe ia ka jingdap 75 snem jong ka jinglait luid jong ka Ri bad kata kan long ha u snem 2022. Naduh mynta u snem 2017 haduh u snem 2022 kan don ka jingrakhe kaba kyrpang ia kaba la tip kum ka ‘Sankalp’ to ‘Siddhi’ ban pynlong ia ka India kaba thymmai.
Ia kane ka jingrakhe la pynlong ha Mairang hapoh jong ka Tirot Sing Memorial Hall, ha ka jingkren jongu Bah Vincent H Pala MP Lok Sabha, u la ban jur ban peit kyrpang ia ki nongrep ban iarap ia ki nongrep haba ki shah lynshop ha ka mariang lyngba jong ka Pradhan Mantri Fasal Bima Yojana. La ong ba ka rep ka riang ka long ba hap ban shu shaniah ha ka mariang.
Ha kane ka sngi la shim ruh ia ka jingkular ba ha u snem 2022 yn pynlong ia ka Ri India kaba lait na ki kam bamsap, kaba lait na ki kam lehnoh, ban weng ia ka jingduk bad ba kan nym don shuh kata ka jingsngewiapher u khraw jait bad u rit jaid ia kaba la sdang ia kane ka jingkular da u Bah Pala MP.
Ha ka jingkren jong u Bah Pala u kyntu ia ka KVKs, ICAR, District Administration, baroh kit and sorkar ba kin ia treilang ban pynlong ia ka Sankalp Se Siddhi kaba jop hapoh jong u snem 2022.
Kiba la ia don laong ha kane ka sngi ki long ka kong FM Lakiang, SDO (C) Mairang Civil Sub-Division, u S Warjri, EAC Nongstoin, kong . B Nongkhlaw, Sub-Divisional Agriculture Officer, Mairang, Dr. D Pasweth, Senior Scientist bad u khlieh jong ka KVK West Khasi Hills, ryngkat ki nongkit kam ka shnong Mairang bad na ka liang jong ka hima ruh kum juh.
Ha kane ka sngi ka kong Y Sohtun kaba dei peit kyrpang ia ka rep soh rep jhur jong ka West Khasi Hills District kala batai bniah ia kane ka jingthmu ban long kaba jop ha u snem 2022.Ha Kane ka sngi u Utpal Bezbaruah u la batai ia ka kam ri jingri bad bun kiwei kiwei dei kila ia don ha kane ka sngi.
