Shillong, Iaiong 29: Mynta ka noh phai sngi kawei ka trok kaba don ia u nymber JK-05H-0666 kala kem ding katba ka dang ieng ha Jyntru kaba hap hapoh ka Ri Bhoi District bad kane ka trok kala julor khait, kane ka jingjia kala jia ha ka por kumba 2.30 baje noh phai sngi.
U nongniah ia kane ka trok u Shafait Ali 25 snem haba kren ha ki pulit halor ka jingpluh kane ka trok la ong ba ka ding kala sdang na jaka shong u draibor na ka daw jong ka jingkem ding ki wire. Ha kane ka kali la dong lang ruh u nongbud u Yasir Ahmed 22 snem ha kaba u la mynsaw ha kane ka jingpluh kane ka kali. Kane ka kali ka mih na Agartala ban leit sha Punjab.
Ha kane ka por ba kem ding ka trok u nongniah bad u nongbud ki thiah hapoh kali, kane ka kali ka kit Jri kaba la wan kit na Tripura. Ki kali pynlip ding kila leit bbran bran sha katei ka jaka ban pynlip iaka ding kaba la klang, ka jingklan plat ka ding dei namar ba ki Jri kiba don ha kali kila ieng.
Na ka liang jong ki ophisar na ka tnad ka kit ka bah ki Motor Vehicles Inspector jong ka sorkar kiba dei piet ia ka Ri Bhoi District ki dang pynlong ia ka jingtohkit ba lap ia ka daw jong a jingieng kane ka ktrok. Ia u nongniah bad nongbud kane ka la pynkit sha Hospital ban phah sumar.
