Shillong, Iaiong 29: Ka seng Jaintia National Council(JNC) mynta ka sngi ka 29 tarik U iaiong 2024 ka la ioh ban leit ban dawa na u Symbut Myntri Rangbah ka Jylla U bah Prestone Tynsong ba kidei ban wengnoh mardor ia ki Shipai BSF ki ba don ha Sonapur East Jaintia Hills District.
Ka JNC ha kane ka jingleit ban kynduh ia u bah Tynsong ka laioh ruh ban aiti da ka dorkhas ha poh ka jingialam u President ka JNC u bah Sambormi Lyngdoh ha kane ka dorkas ka JNC ka la pynpaw ba na kylleng ki jaka jongka district ki la don shibun ki jingshah pynthud bad shah pynwit ha ki BSF.
Halor kane ka jingleh ki BSF ka JNC kam lah shuh tangban shu sngap hynrei ka la mih shakhmat ha ka ban pynrem juriakne bad ka la dawa ruh ba na ka liang ki bor Sorkar mardor ki dei ban pynkynriah noh ia kine ki BSF ki ba don ia ki checkpost ka ba don ha Sonapyrdi, Umpluh, Dona ha kaba ki BSF ki lah buh da ki mobile camps.
U bah Lyndoh u laong ruh ba ha dien ba kine ki BSF ki la buh ia ki khyrdop ka ba don ha Sonapur ki briew ki ba wan iew na kithain ba jan kum na Lumshnong, Khliehriat ban leit sha Umkiang bad sha Ratachera bad sha ki shnong jongki ki shah pyndik bad shah kynnoh ba ki kit ia ki marba ki thmu ban khaii sha Bangladesh bad kane ka la ktah haduh kata kata ia ki paidbah.
Ha kine ki khyndiat sngi na ka liang ki nongshong shnong bad ki kato katne ki sengbhalang ki la ia mih ban pyrshah ia kane ka jingdon kine ki shipai BSF ki ba don ha Sonapyrdi kumta na ka liang ka JNC kambanse ban mih shakhmat ban pyrshah ia kane bad ban wan ban ia kyndhuh ia u symbut myntri rangbah ka jylla khnang ba kin ioh ban pynsngew ia ka jingehjong ki paidbah ba ki ia kynduh.
