Shillong, Nailur 02: U bah Daniel stone Lyngdoh u nongmih khmat ka Delhi North East u la maham ia ki paidbah ka jylla ba ki dei ban wad bniah shwa ban rung ha ki kam ne ki jaka pule jong ki riewshimet namar ka jingbun ki company ba shu thok .
Haba ai jing kren sha ki nong thoh khubor ha shillong press club u bah Daniel lyngdoh u nongmihkhmat ka Delhi Police bad kumjuh ruh u dei u nong ia said ain jong ka supreme court u la iathuh kumba 30 tylli ki company bad ki jaka pule kiba thok ki dang don hapdeng ka jingia khun mokutduma ha ka ri baroh ka wei bad ka thain shatei lam mih ngi kaba dei ka jaka kaba long sohpdung ha ki kam thok jong ki company bad kiwei ki jaka pule bap her bapher.
U la ong “ namar ka jingkyrduh kam kyrduh jam ki khynnah samla ha ka jylla jong ngi kim banse ban thom ia ka saw ka sian , kiba thep kam thep jam ha kylleng ki jylla shabar kiba bun na ki , ki shah thok bad shah shukor bad kine ki jingshah thok ki la jia ruh ha ki jaka pule bapher bapher. Bad bun na ki kim ioh pura wat ia ka tulop ba ki dei hok ban ioh bad ban ioh ia la ka tulop, ki hap ban da ia khun , “ la ong u bah Daniel.
“ Ka dei ka kamram ba kongsan ba ha shwa ban leit ban join ia ki jingtrei ki dei ba kin da kylli bniah bha hadien ba la ioh jingtip kin sa pyrshang ban join ia ki kam khnang ba kin lait na kiba bun ki jingeh . Kam dei ia ngi ban gin kynnoh hadien pat ba la ia kynduh ia ki jingeh “ La bynrap u bah Daniel.
