Shillong Lber 27: Mynta ka sngi ha ka por 4.30 noh phai sngi ki pulit kila ioh jingtip ba lai ngut ki samla kiba la leit sha wah UMsali ki la ngom jylla, kita ki long u Rajive Tangmang 24 snem, u Vijay Jogi 21 snem naka shnong Mawpun bad u Suraj Kumar na Paltan Bazar Shillong.
Naka liang jong ki pulit mar ia ioh ia kane ka jingtip ki la leit bran bran sha katei ka jaka ban ioh ban pynlait im ia kitei ki briew hynrei kim shym la lah ban leh ei ei shuh, ha ka jingtrei shitom jong ki pulit la ioh ban sei ia ka met iap jong kine ki lai ngut na poh wah ha ka por 8.30 mynta ka miet.
Na ka liang jong ki pulit ki la pynlong ia ka jingtohkit ban lap ia ka daw jong ka jingiap jong kine ki briew la ka dei kaba ki iap jyllop ne ka don da kawei pat ka daw.(SP News)
