Shillong, Naiwieng 15: Ka Garo Hills State Movement Committee (GHSMC) kaba la ialam ia ka jingialeh ban dawa la ka jong ka jylla Garoland mynta ka sngi kala pynlong ia ka jingiaid paidbah ha Tura ha kaba da ki hajar ngut ki paidbah kynthei bad shynrang kila iapoi sha kane ka jingiaid paidbah ha Tura ka nongbah jong ka West Garo Hills District.
Ka jingiaid paidbah kala sdang na madan kynjat bol Chandmary bad pynkut ha ka madan kynjat bol ha New Tura ia kane ka jingiaid paidbah la sdang da ka jingduwai ha kaba la pyndep da u Austin CB Marah u ba bat kum u General Secretary jong ka GHSMC.
Ki nongkren ha kane ka sngi, kiba khaw paw ki longu CEM jong ka GHADC u Boston Ch Marak, U Nikman Ch Marak Chairman jong ka GHSMC bad u Augustine Ch Marak u la kren ai khublei ia ki nongwan ia shim bynta ha kane ka jingiaid paidbah ban dawa ia ka jylla Garoland.
Ha kane ka jingiaid paidbah la rah ruh ia ki jingthoh haki plakard, ha kaba la thoh Modiji ai noh ia ka Garoland, Modiji sngewbha ai ia ka Garoland. Ban shu pynkynmaw ba ha kine ki bnai kiba la dep ka la dep ban ai da ka Dorkhas sha u myntri jong ka sorkar pdeng naduh u myntri rangbah duh jong ka Ri u Narendra Modi ban dawai ia ka jylla Garoland hapoh ka jingialam jong ka GHSMC.
U Augustine Ch Marak u ba dei ruh u MDC jong ka GHADC haba kren ha u SP News Agency u la ong ba ka jingiaid paidbah ka long kaba jop ha kaba da ki hajar ngut ki briew kila wan ban ia shim bynta ha kane ka jingiaid paidbah ban pynpaw ba ki kwah ban ioh la ka jong ka Garoland.
