Shillong, Jymmang 22: Ka FKJGP seng kmie ka sngew lynngoh ban iohi ba ki nongpyniaid ka Shillong Street Art Festival (SSAF) ka pynsaphriang ia ka dur u Mithun ha ki kynroh kylleng ka nongbah Shillong.
Ka FJKGP ka don tang kawei ka jingkylli hato ha Ri Khasi-Jaintia jong ngi ngim don mo kita ki riew khraw ne ki kaitor ba kine ki samla Khasi ba don ka sap ban dro ban pynsaphriang ia ki dur jong kine ki paradoh parasnam kiba lah long ka jingsarong jong ka jaidbynriew.
Hooid sngewthuh ba lyngba kane ka Shillong Street Art Festival ki samla jong ngi ki ioh kabu ksiar ban trei ryngkat bad ki briew nabar ka jylla bad ban pyni ia ki sap ki jong ki lynga kane ka tamasa.
Hynrei kaei kum ka seng ka kwah ka long ba kine kito kiba don bynta ha kane ka tamasa ba kin kynmaw ruh ia ki kaitor na ka ri Hynniewtrep kum u bah Skendrowell Syiemlieh bam kawai ka dwar u Blei, u bah Rana Kharkongor bad kum ia u bah Lou Majaw ruh bad kiwei kiwei.
Ka seng ka kyntu iaki nong pyniaid ba kin kynmaw lem ia kum kine ki khlur jong ka jaidbynriew.
