Shillong, Nailar 21:Ka National People’s Youth Front (NPYF) kab
a dei ka Youth Wing jong ka National People’s Party (NPP) ka la pynlong ia ka NPYF North East Regional Conference ha Nongbah Tura myn ha sngi saitjain ba la dep daka jingthmu kum shi bynta ban long ban long bad wanrah ka jingiatreilang hapoh ka Party ha ka liang jong ki samla ha baroh kawei ka North East.
Ka jingthmu jong kane ka long ban nang pynkhlain shuh shuh iaka jingtreikam jong ka Party kum shi bynta ka jingpynkhreh iaka MP Election bad katto katne tylli legislative election ki ban sa long ha u snem ban wan kum ha Ki Jylla Arunachal Pradesh, Assam bad Mizoram bad kum juh ruh ka MDC Election ha Meghalaya.
Hadien bala iakren sani bha bin pa bin ia baroh ki jingdon kam bad jingeh haka jingtreikam hapoh katei ka Regional Conference, kila mynjur ban thaw noh shisyndon daka National People’s Youth Front North East Co-ordination Committee (NPYF-NECC) ka ban khlieh da Chairman jong ka bad ki dkhot hapoh kane ka Committee kin long ar ngut na kawei kawei ka jylla.
Ia kane ka Conference ka la lah ban pynlong hapoh ka jingialam jong u Bah T.W. Pohshna State President ka NPYF, Meghalaya bad ki dkhot bad ki nongialam kiba wan ban ia shim bynta katei ka jinglang khynthup ka Jylla Nagaland, Arunachal Pradesh, Manipur bad ka Meghalaya
Ki nongkitkam hapoh kane ka Committee kin don kum u Chairman, Co-Chairman, Vice-Chairman, General Secretary, Secretary bad ar ngut ki Advisers bad kiwei kiwei kin long kum ki dkhot hapoh ka Committee bad ki nongkitkam ba pura jong kane ka Committee yn sa pynbna shen.
