Shillong, Nailar 25: Ka sorkar Meghalaya kala dep ban ia soi ia ka soskular bad ka National Insurance Company Limited kaba dei ka general health insurance company ha India, ban pyntrei kam ia ka Megha Health Insurance Scheme (MHIS) ka bynta kaba 5 ba dia ka Pradhan Mantri Jan Arogya Yojana (PMJAY) ia kane la ia soiha ka 24th Nailar 2022 ha Shillong.
Na ka liang jong ka sorkar Meghalaya la soi da u Ramkumar S, IAS ba dei u Chief Executive Officer ka Megha Health Insurance Scheme u ba bat ruh kum u additional Secretary ka tnad ka koit ka khiah bala soi ia ka soskular ha ka kyrteng jong ka sorkar jylla.
Katba na ka liang jng ka kompeni la soi da u L. S. Puni Isaac, Assistant Manager, National Insurance Company Limited bala soi ha ka kyrteng jong ka kompeni, ha ka jingiadon lang umyntri ka tnad ka koit ka khiah u James K Sangma bad kiwei ki ophisar na ka tnad ka koit ka khiah ka jylla.
Ha kane ka MHIS 5-PMJAY la pynkiew na ka T.5,00,000/- tyngka sha ka T.5,30,000/- tyngka bad la pynrung shuh shuh ruh ia ki jaid jingpang hapoh kane ka skhim, ia kane ka skhim baroh ki paidbah ka jylla kin ioh ia ka jingmyntoi lait noh ki nongtrei ka sorkar jylla bad ka sorkar pdeng.
Kane ka Megha Health Insurance Scheme (MHIS) ka bynta ba 5 bad ka Pradhan Mantri Jan Arogya Yojana (PMJAY) kans dang ban trei kam naduh ka 01th Nailur 2022 jong u bnai ban wan kane ka long katkum ka kyrwoh kaba la phah da u CEO ka MHIS.
