Shillong, Nailur 12: U Myntri Rangbah ka jylla u Conrad K Sangma haba jubab ia mat iakren hapoh ka iing dorbar thawain ka jylla kaba la wanrah da u bah Mayralborn Syiem haba ia dei bad ka jingdawa ban pyntrei kam ia Inner Line Permit hapoh ka jylla Meghalaya u myntri rangbah la ong ba ha dien ba ka sorkar pdeng ka pyntreikam ia ka CAA.
Ki seng bahlang ka jylla kila pynlong ia ki jingialang paidbah ha kylleng ka jylla ban pynpaw pyrshah ia ka jingpyntrei kam ia ka CAA, namar kala jur bha ka jingdawa ban pyntreikam ia ka ILP, ka sorkar kala khot ia ka jingshong dorbar kaba kyrpang haka 19th Nohprah 2019 ha kaba la shim ia ka rai ban pyntrei kam ia ka ILP ha kane ka jylla.
Na ka liang jong ka sorkar kala phah ia karai jong ka iing dorbar sha ka sorkar pdeng bad ka kynhun jong ki MLA kila ia kynduh ia u myntri kam poh iing ka sorkar pdeng ha ka 20th Rymphang 2020 bad ha kane ka jingiakynduh la pynshai sha ki dkhot ba ka sorkar pdeng ka dang bishar bniah bad la ai ka jingkular ba ia ka hok jong ki riewlum yn ai ka jingiada.
U myntri rangbah u la pynkynmaw ba ha ka jingialang kaba 69th jong ka North Eastern Council ha kaba la wan ban ia shim bynta da u myntri kam poh iing u Amit Shah ha ka 23 bad 24 bnai Kyllalyngkot 2021 kila don hynniew tylli ki kynhun seng trei mon sngewbha kiba la phah jingthoh sha ka DC ka EKH District ba ki kwah ban ia kynduh ia u myntri kam poh iing.
U kynhun seng bhalang kila ia kynduh ia u myntri kam poh ing bad kila pynpaw ba ki kwah ba dei ban pyntreikam ia ka ILP ha kane kajylla kila don kiwei ruh ki seng bhalang kiba dawa ia kane ka juhka phang na u myntri kam poh iing hynrei la ai ka jingkular ba yn sa khot sha Delhi ban ia kren.
Haba phai sha ka jingmih khubor ka dei ba u myntri khynnah ba dei peit ia ka tnad Peterol bad natural Gas bad Employment ha ka jingwan jong sha Meghalaya ha ka 12th Naitung 2022 ha kaba u la ong ba u kwah ban ioh ba ka jylla Meghalaya kan don ha ka Map ba don ka lynti rel.
Halor katei ka jingkren u myntri khynnah ka sorkar pdeng ka KSU kala pynpaw paidbah ba ki dawa ba dei ban pyntreikam ia ka Inner Line Permit ka Bengal Eastern Frontier Regulation Act 1873, ha ka 17th Nailar 2022 kila pynlong ia ka jingiakhih shong kyllain mungor da ka NESO ha kaba kila dawa ban weng noh ia ka ain CAA bad ki dawa ba dei ban pyntreikam ia ka ILP.
Ia mynta ka jylla ka don ha pdeng ka shong suk shong sain bad haba don kano kano ka jingiakhih la teh lakam da ki Pulit, haba ia dei bad ka rai kaba la pdiang da ka iing dorbar thawain ka jylla la phah sha ka sorkar pdeng ka ban pdiang ia kane ka jingdawa bad ia ka shithi la phah ha ka 23rd Nohprah 2019.
Ka sorkar jylla kala phah biang ia ka jingthoh sha ka tnad kam poh iing ka sorkar pdeng haka 17 Naiwieng 2020, Ka sorkar jylla kala ai ia ka dorkhas sha u myntri kam poh iing ha ka 23rd Rymphang 2021 ha kaba ia dei bad kane ka jingdawa ban pyntreikam ia ka ILP ha kane ka jylla.
Haba ia dei bad kane ka jingdawa ka sorkar Meghalaya ka dang ap ia ka jubab na ka sorkar pdeng ha kaba ia dei bad kane ka jingdawa ia ka ILP ha kane ka jylla, haba ia dei bad ki mat ba la wan rah da MLA na Nongpoh, ban krenshai ka ei ka kaba ka tnad kam poh iing ka sorkar pdeng ka dang peit bniah ia kane ka jingdawa ILP ka long ba ki don shibun ki daw kiba ka tnad kam poh iing ka dang peit bniah.
Na ka liang jogn ka sorkar kala pynpaw ia ka jingshimkhia ban dawa ia ka ILP da kaba shim ia ka rai hapoh ka iing dorbar ban pyntrei kam ia ka IKP ha kane ka jylla Meghalaya bad mynta kane ka phang baroh kawei ka don ha kti jong ka tnad kampoh iing ka sorkar pdeng kumta hap ban ap ia ka rai na ka sorkar pdeng.
