Shillong, Risaw 10: Katkum ka jingkwah u myntri rangbah duh ka Ri India ka skul bah NEHU kala pynlong ia ka jingiathir halor ka “”Atmanirbhar Bharat,” lane ban ieng halor ki jong ki kjat ha kaba ki samla pule ki briew jong ka sorkar sorkar pdeng ba dei peit ia ka MSME kila ia don lang.
Ha kane ka jingialang ka Prof. Ambika Pati, ka ba dei peit iaka tnad pule SEMIS, kala pynshlur kuno ban seng kam la jong bad kane kan pynurlong ia ka jingangnud jongka Ri India ban poi sha ka thong ban pyndap da lade ia lade.
Kane ka long ka jingsdang ban buh ia u mawmer jong ka Ri India kaba thymmai, kane ka long ban pyndap ia ka jingdon kam ki paidbah kane ka thain shatei lam mih ngi jong ka Ri India bad kane kan wan pynlong ia ka Ri India kaba khlain.
Ki heh jong ka sorkar pdeng kiba la don ha kane ka jingiamthir ki long u Satish Kumar, Asst. Director, u Harendra P Singh, Jt Director, u R.K. Choudhary bad kiwei ki heh ka sorkar pdeng kiba ei peit ia ka MSME, ha ka jingkren ka jong ki kila kren halor ki kam kiba bun kiba la tnad ba dei peit ia ki kam karkhana rit, kane kan wan rah ia ka jingkylla ha ka ioh ka kot, ka riti dustur kum ka nongialam ha ka pyrthei.
U Vice Chancellor ka NEHU u Prof. P.S. Shukla, ha ka jingkren jong u la kdew shai ban pynrung ha ka jingmut jingpyrkhat ki samla pule ia ka jinglong ba kyrpang kane ka thain shatei lam mih ngi ka Ri India ba kan don ka jingiadei bad ki karkhna na kane ka thain,
U la kdew ba dei ban pynleit jingmut kum ha ki kam thung slasha, Dewiong, ksai nalia, ki mar khlaw bad katto katne ki karkhana rit kiba ki briew kane ka thain ki lah ban trei kum ka kam thain kriah thain shang ba ki briew kane ka thain ki lah bha ban trei.
Ki ophisar na ka MSME kila batai ba na ka liang jong ki ki don ia ka bynta kaba khraw ban pynlong ia ka Ri India kaba dap ba biang na la de bad ka kam jong ka MSME ka long ban iarap ia kiba seng kam la jong kum ki kakhna kiba rit.
Na ka liang jong ka MSME ka pan na ki riew paidbah ia ka buid thymmai kumno ban pynmih ia ki kam kiba thymmai bad ka don ka jingai burom ia kiba lah ban ai ka jingai buid kaba thymmai T.15 lak tyngka ia kaba kin sa jit na ka liang jong ki. Ia ka jingkren ai khublei la kren dau Dr. Devendra Biswal, Asst Registrar, Planning NEHU.
