Shillong, Naiwieng 12: U samla Willbornson Wahlang u la ioh ia ka Takma ksiar ha 2nd North East Olympic Games, 2022 ha ka jingialehkai MTB Downhill Hardtail men’s race kaba la long ha khlaw Malki mynta ka sngi.
Kane ka dei ka Takma ksiar kaba nyngkong kaba ka jylla Meghalaya la ioh ha kane ka 2nd North East Olympic Games 2022 kaba dang iaid mynta ha kane ka nongbah Shillong.Ka jylla kala ioh kawei ka Takma rupa ha ka jingiakop niah baiskil da samla Amedius Therlang Marbaniang, ia ka takma Rynong pat la ioh da u Nicholas Syrti.
Ka jylla Manipur kala ioh saw tylli ki Takma ksiar, kiba la ioh ki long u Thokchom Tennyson Singh (2:08) ha ka MTB Downhill Full Suspension men’s race, shuwa ia ka jylla Meghalaya ia u Dame Wanki Ha-o Suiam (2:15). U wei pat ba niah baiskil na Manipur u Kshetrimayum Jack Singh (2:19), ba wan balai.
Ha ka jingiamareh country race ki kynthei , ka Lindum Iakia jong ka Arunachal Pradesh kala wan ba nyngkong, kiba la wan ba ar ka dei na Manipur ka Pangambam Priya Devi (9:43.44) bad ka Haomon Urbashi Devi (9:48.10) kala wan balai.
Ha ka jingialehkai kiba dang khynnah ki ia ka Takma ksiar la ioh da AZ Thotmachan na Manipur, u Pynshailang Khyllait na Meghalaya wan ba ar bad Vanlalruata na Mizoram wan b alai.
Ha ka cross country ki shynrang ia ka Takma ksiar la jop da ka jylla Manipur u Khundrakpam Ronel Singh, u Kevin John Khyllait na Meghalaya la wan ba ar bad u Mesak Vanlalvena na Mizoram wan b alai.
Ia ka khusnam sha ki nongjop kiba mynta ka sngi ha kitei ki jingialehkai la sam da ka Dr M Ampareen Lyngdoh MLA kum ka kongsan kiwei kiba la don lang ki long u Cyril VD Diengdoh IAS. Ia ka jingiakop niah baiskil kaba 80 km kan long na Shillong sha Mawthadraishan shuwa kane kan don ka jingshong thiat kaba ar sngi.
