Shillong, Kyllalyngkot 27: U Chief Electoral Officer jong ka jylla Meghalaya mynta ka sngi u la pytip ba ki pulit jong ka West Garo Hills District kila ioh ban kurup pisa T.14,90,900 tyngka bad ka kyiad 9 litter ka shongdor T.3912 tyngka.
Ka tnad elekshon kala dep ban buh dak bun tylli ki konstitwnesi ha kane ka elekshon kaba mynta kiba la buh dak ba kin long ki konstitwensi kiba yn ia pyndon kam pisa ha kane ka elekshon MLA dei halor kane ka tnad elekshon kala pynkhlian ia ki lat pahara ban pynthikna ba kin nym ioh lat ban pyndon kam pisa.
U Deputy Commissioner jong West Garo Hills District ha kine khyndait sngi la dep ban pyntip ba la dep ban buh ia ki Flying Squad ha baroh 11 tylli ki konstitwensi kiba hap hapoh ka West Garo Hills District bad da ka jingtrei shitom kila ioh ban kurup bun ka pisa na ki kali kiba iaid.
