Shillong, Jylliew 15: Ka Khasi Jaintia Fish Whole Seller and Retailer Association (KJFWRA) mynta ka sngi kala ia kynduh lang ban iakren halor ka rai jong ka Commissioner of food safety ban pynsangeh ia ka die ka thied ia ki dohkha nabar bad ba la buh por haduh 15 sngi kata haduh ka 8 tarik jylliew.
Kane ka jingpynsangeh ka long hadien ba ka commissioner ka pynlong ka jingtest, la lap ba 30 na ki 42 samples ki dohkha ba la test ki paw ba ka don ka jingkhleh formalin.
Ha ba kren bad ki nongthoh khubor u president ka KJFWRA u bah Mitchel Wankhar u la ong kino kino ki ba donlang ha ka jingpyniaid iew kyrpang ha ri Khasi-Jaintia ki dei hi tang ki para Khasi ha kaba ki la lah ban aikam palat 15,000 haduh 20,000 ngut ki samla.
Kane ka jingpynsangeh kynsan ka la ktah shibun eh ia ki khun samla u bah Mitchel Wankhar u la kam ba kane ka jingpynsangeh ban wanrah dohkha ba nabar ha ka jylla ka dei ka ba la jia shisien ha ka snem 2018 shuwa ka jingjied ia ki nongmihkhmat.
La ong ba mynta u 2023 shisnem shuwa u snem 2024 jong ka general election bad ngau kwah ba bkylli ia ka sorkar balei ki jia ki jingtest ia ka formalin ka long shisien ha ka 5 snem.
U Bah Wankhr u la ong ba ba lada ka sorkar ka kwah ban test ia baroh ki dohkha ba wanrah nabar, la dei ban pynlong ka jingtest ha iewduh ia baroh ki dohkha ba la wanrah nabar ban plied ha iewduh hakhmat jong baroh ki nongdie dohkha.
U bah Wankhar u la ong ka association ka nym lah ban iahap bad ka sorkar jylla ia ka jingpynlong test ha ki jaka ba pher ba pher kum ha Jail Road namar ym don Mano Mano ba tip ba kaei ban jia ia ki dohkha hadien ba la rah na iewduh.
Ka daw tynrai ka dei na Andhra Pradesh, ka jingiadie iathid ka dei ha Iewduh hadien ba ka sorkar ka lah ban pynlong jingtest ha khlih iewduh lym kumta ymdon mano mano ba tip, kaei ka ban jia hadien ba ki dohkha ki poi hangne u la bynrap.
