Shillong, Jylliew 16: Ki dkhot ka Excutive Committee jong ka Synjuk ki Rangbah Kur ki la leit ban pan jingshai na u CEM Ka KHADC u bah Titosstarwell Chyne halor ka Clan Bill.
U bah Aristotle Lyngdoh Mawplang u ba long u General Secretary u la iathuh ba u CEM ka KHADC u la pynshai ba kane ka mat, ka sorkar ka la thaw da ka Expert Committee namar ban pynsuk ia ki bor ban pas ia ka Clan Bill.
Kane ka Expert Committee kan peit bniah bad hadien jong kata yn sa phah sha u Governor ia kane ka bill. Na ka liang jong ka District Council ruh ka don ka jingangnud ba hapoh jong une u snem hi ka Clan Bill, dei ban lah noh ban pynlong kam.
U bah Arwin Sutnga haba bynrap ia kane u la ong na ka liang kane ka synjuk ka ai ka jingkyrshan ia ka council haba iadei ka Clan Bill bad ka jingai kur jait kpa. Kumba ka ophis jong u CEM ruh ka la pynmih ia ka rai ba ymlong ban ai jait sha u kpa ne ka ai jait meikha.
La ong ba namar ka kheinkur khei kha jong u khasi ka dei ka ba don ka nongrim, nalor kine kiei kiei ruh ka jingkyrmen hi ka long ba ka sorkar ruh kan shimkhia halor kane ka Clan Bill.
