Shillong, Jylliew 28: U nongialam ka liang pyrshah ha iing dorbar jong ka KHADC u bah Titosstarwell Chyne haba ia shim bynta ha ka jingiakren ia ka mang tyngka jong u snem 2023-2024 , ha ka jingkren hapoh ka iing dorbar u la ong ba ka District Council ka dei don ia ka Legislative, Executive bad Judiciary lada tlot kawei na kine ka jingtrei kam ka district council la tlot.
U Nongialam ka liang pyrshah u la kren shai bha ba ka jingpyntrei kam ka sorkar jylla ia ka “Code of Criminal Procedure,1908” bad ia ka “Code of Criminal Procedure kaba la tip paidbah kum ka CrPC 1973” kala ktah ia ki iing bishar jong ka District namar bun ki mutkot duma hapdeng ki para riewllum kim wan shuh sha ki iing bishar jong ka District.
Katkum ka jingpynbna ka sorkar kaba la pynmih ha u snem 2022 ba la pyntrei kam ia ka CPC bad CrPC haba baroh kawei ka jylla bad na ka liang ka sorkar ruh kala dep ban buh ia ki jaka bishar habroh District bad Civil Sub Division bad kine ki iing bishar jong ka sorkar kila sdang ban bishar ia ki mukotduma para riewlumr uh.
Da ka jingpyntrei kam ia ka CPC bad CrPC ha baroh kawei ka jylla mynta ki briew kila sdang ban kiar ban wan sha ki iing bishar jong ka District Council, ka sorkar kala kren ha ki jingialang ha ka por ba u dang long CEM ba ki iing bishar jong ki District kin dang iaid beteng ban ioh ia ka bor bishar na ka kyndon kaba 4 bad 5 jong ka Sixth Schedule.
Ha ka por ba u dang long kum u CEM la ia kren bad ka sorkar ka dei ban da pynmih ia ka jingpynbna sorkar ban pynshai bha, namar kum ka long mynta ki iing bishar kiba la buh da ka sorkar kila sdang ban bishar iaki mukotduma kiba dei hapdeng ki para riewlum.
Kane kan long ka jingma ia ki iing bishar jong ki District Council, u la kyntu ia kane ka EC kaba thymmai ban iakren bad ka sorkar ban pynmih ia ka jingpynbna kaba shai lem kumta ka District Council kan sa dkoh ia ka jingtreikam.
