Shillong, Naitung 01: ka jingkyrni ki samla ha ka jingngop ha ki jingdih pynbuaid kala dang kiew dei na imat na kane ka daw ba ki nongkhaii ia ki jingdih pynbuaid ruh kala tur iap ban pynpoi sha ka jylla.
Ka jinglong phikir bad ka jingpeitngor jong ki pulit jong ka East Jaintia Hills District mynta ka sngi kila ioh ban bat ia kawei ka kali Santro kaba don ia u number TR-04A-0254 katba ka dang wan na Assam bad na kane ka kali la ioh kurup 51 kilo u Ganja.
Na kane ka kali la ioh ban kem saw ngut ki briew san tylli ki mobile phone ka pisa T.14000/- tyngka, kane ka jingioh kem ka dei na ka jingtrei shitom jong ki pulit ka East Jaintia Hills District kiba la kut jingmut ban ialeh ban pynduh ia ki jingdih pynbuaid.
Ki saw ngut kiba la shah kem ki long u Amit Mog 29 snem, u Rajesh Kumar Keang 33 snem, u Sanjit Debarma 42 snem kine baroh ki dei na ka jylla Tripura, ia katei ka kali la ioh ban bat ha Umtyra ha East Jaintia Hills District.
