Shillong, Naitung 03: Ka seng samla pule jong ka Khasi Sudent Union bad ka seng Samla shnong jong ka South West Khasi Hills Distict mytna ka sngi kila leit ban ia kynduh ia u bah Paul Lyngdoh myntri ba de peit ia ka tnad Social Welfare ban ia kren halor ka jingjyllei u drok ha South West Khasi Hills District.
Ha kane ka jingiakynduh la daw na u myntri ba ka sorkar kan buh noh ia ka jaka sumar ia ki nongdih drok kiba la ngop ha kane ka jingdih buaid kaba la ktah bun ki samla jong ka thain bad kaba la ktah ia ki iing ki sem kiba duk.
Ha kane ka jingiakynduh bad u myntri ki nongialam jong ka KSU bad seng Samla shnong kila iathuh ba bun na kine ki samla kiba la ngop ha kane ka jingdih drok dei kiba wan na ki long iing kiba duk bad kane kala ktah ia ki iing ki sem hapoh ka thain.
Ha kane ka jingiakynduh la ai jingmut ia ka sorkar ban don ne buh iaki kyndon ain ban buddien ia kito kiba Langat mukotduma haki kam ba mih naka jingkyrni dih drok bad ruh na bynta kito ki bala thikna ba ki don ia kane ka jingkyrni.
Ka KSU jong ka South West Khasi Hills District kala ong ba la don kam ban buh noh iaki kyndon ban bud dien ia baroh kito kiba la shah kem , ngat mukotduma na ka daw ba ki leh iaki kam kiba kadaw kadei tang naka jingkyrni dih drok bad kumjuh ruh na bynta kito kiba la thikna baki lakyrniha kane ka jingmlien ba sniew.
La kdew ba bunsien haba kine ki samla kila shah kem bad na daw ba kam don iaki kyndon ban buddien ba kine ki briew ki dei ban leit beit haki jaka ai jingumar ban pyndep iaka por katkumba labuh da ki tnad ba la shemphang ha kane ka liang bad tang ban kem kam lah ban rat dingkhogn ia kane ka jingsiew.
Ha kane ka jingiakynduh la kyntu ia u myntri ban thaw bad pyntreikam pura noh iaka District Level Committee bad Block Level Committee ha kaba ia dei bad ka jingiakhun pyrshah ia u drok, namar kim tip haduh mynta kala trei kam haduh katno hapoh jong ka District .
Ka KSU ka kyntu ban thungnoh noh ia ka Ka “District Level Committee on Drugs Abuse” ia kaba yn khlieh da u District Magistrate kum u Chairman , u District Social Welfare Officer kumu Members Secretary haka jingdon lang jong ki bor shnong hapoh kata ka Committee.
Ha ka Block Level Committee on Drugs Abuse ia kaba yn khlieh da u Block Development Officer jong ka South West Khasi Hills District haka jingiadon ryngkat lang ki briew sorkar bad ki bor shnong.
Haba iadei bad kane, ki sngew dei ruh ba ka sorkar kan buh iaki jingbthah kiba shai khnang ba kan nym don ka jingdkoh bad ka jingshim sting naki bor District ban leh iaki bynta ba dei ban leh lyngba kine ki Committee. Ban pyntreikam pura bad ai bor iaki bor shnong ban rat dyngkhong ia u drokdakabaithuhbad thaw iaka Village Level Committee on Drugs Abuse.
Lyngba kane ka jingthoh , ki sngewdei ban pynsngew bad kyrpad ia ka sorkar ban thw noh ia kitei ki kommittee khnang ban ai bor ia ki shnong da ka jingiatreilang bad ki bor jong ka ain ban ia khun pyrshah u drok ha ki shnong ki thaw bad ha ka juh ka por kanpynbna shai bha ia ki kyndih.
Ka jingbym treikam jong ka tnad Anti Narcotics Task Force ha South West Khasi Hills District ki sngewsih ban pyntip ba ka tnad Anti Narcotics Task Force jong ka South West Khasi Hills District kaba dei ka tnad jong ka Police Department hapoh ka District kadei kawei naki tnad bym lerkam tam na baroh ki tnad sorkar ba don hapoh ka District.
Kumba long mynta, kane ka tnad ka dang ioh thiah lyngngai bad ym shym la iohi shisien ruh ba ka kem drok lait naki seng bhalang bad ki bor shnong kiba ju iai long ki nong peitngor iaka jingjur u drok haka thain, ia ka dorkhar kaba la ai sha u myntri ka tnad Social Welfare la soi da u samla Forwardman Nongrem President KSU bad u Pauldeep Tongwah President Seng Samla shnong.
