Shillong, Naitung 03: Ki dkhot jong ka KSU Shillong Mihngi Circle mynne ka sngi ki la leit ban ia kynduh ia ki bor pyniaid ka North East Institute of Ayurveda bad Homeopathy (NEIAH) hadien ba ki la ioh jingtip ba ka director jong kane ka skulbah ka la thep kam jubor ia kawei ka briew na Uttar Pradesh kum nongtrei shipor.
Ki dkhot ka seng ki mana ia kane ka skulbah ba ka dei ban weng noh mardor ia katei ka briew kaba nabar bad dei ban thep beit da ki Khasi ha ki kam bala thung ban trei shipor baroh. Ki dkhot ka seng ki la mana ruh ba ym dei ban regularise jubor ia kino kino ki bar jylla ba trei shipor hapoh ka NEIAH.
Ka seng ka maham ba lada ki bor pyniaid ka NEIAH khamtam ka Director kim weng kam ia katei ka bar jylla, ka seng kan sa shim da ki sienjam kiba tyngeh, ha ka juh ka por kala ban biang ba ym bt ban pynlong nongtrei ba pura ia kino kino ki nongtrei ba shipor.
