Shillong, Naitung 06: Ka tnad shna surok jong ka jylla ka PWD kala bthah ia ka National Highway Infrastructure Development Corporation Ltd (NHIDCL) ba kan shna noh ia ka kynroh kaba twa kaba la kynton da ki Byrni ha G.S Road Ryndang briew Mawlai.
Haba u SP News Agency u la budien ia katei ka jingtwa katei ka kynroh kaba la kynton da ki kyrni kaba la twah, la shem ba katei ka surok GS Road naduh Lat Umroi sha duh Dawki la aiti ban peit ka NHIDCL bad katei ka jaka ba twa ka hap ha ka jingpeit jong katei ka kompeni ka sorkar pdeng.
U Executive Engineer ka National Higway u la iathuh ba la bthah ia ka NHIDCL ban shna noh ia katei ka surok kaba twa ha Ryndang Briew la phah ruh da ki dur sha katei ka kompeni jong ka sorkar pdeng.
Na ka liang jong ka tnad shangshuwari ka Assistant Engineer kala pynshai ba ka bynta ba ka tnad shangkai pyrthei kala shna ha katei ka jaka dei tang ia ki dukan, hynrei ka wan noh ia rai na iing ia mynta kila sah teng kumto, ka lynti iaid kjat ka dei jong ka tnad shna surok.
Haba la pyrshang ban phone sha ki heh jong ka NHIDCL kaba don ha Shillong halor katei ka jingtwa bala kynton da ki byrni bala thep da u shyiap kim shym la ai kno kano ka jubab.
