Shillong, Naitung 05: Ki Nongialam ka KSU ha ka jing iadon lang u President Samla Kitbok Lang Lamare, Samla Rimiki War bad kiwei ki la leit ban hiar biang mynta ka Miet ban leit jurip iaka CHC Namdong ha kapor ba lip ka light ha katei ka thain ka la lap ba haduh mynta kane ka CHC ka hap ban shong hapdeng jong ka jing dum,
U President ka Unit Samla Kitbok Lang Lamare u la ong ba kane ka CHC ka la long kum ka Sem ki mrad, namarba ka jing pynkha khun ruh lah isynnei hap ban shu tbeh da ki mombati bad ki touch light, haba kumne kan jia aiu iaka jing im briew, hato ban sumar briew ka long mo ha pdeng ka jing dum.
Ka tnad ka koit ka khiah ka la kheiñ dew thala ia kane ka CHC ka khlem da shim khia iaki jing pynsngew ka Seng ha kaba iadei ban pynbha iaki Panel Solar bad lane ban buh daka Generator Machine kumba la ai jingmut da ka Seng ha kine ki khyndiat taiew kiba lah dep.
Ka Seng Kam lah ban shu peit da ki khmat ia kane ka jingeh kiba kane ka CHC ka hap mad, lada ka tnad ba dei peit kam shim khia ngin hap ban pyrkhat da kumwei pat, ka seng kala dep ban kren ia kane la kham mynshuwa ruh.
