Shillong, Naitung 08: U Arch Bishop jong ka jylla niam Shillong Arch Diocese Shillong u Rev Victor Lyngdoh mynta ka sngi u la pynbna ba u Kpa Bakhuid u Pope Francis mynta ka sngi Saitjian u la thung ia u Rve Phadar Ferdinand Dkhar kum u Bishop jong ka jylla niam Jowai, kane ka jingioh ia u nongsharai balang ba pule ka long ha dien 12 snem ba khlad u Rev Vincent Kympat.
Ia u Sohblei Ferdinand Dkhar uba bat Administrator ka Jylla Niam Jowai, la kha ha shnong Longkaluh, Jowai, ka 26th u Rymphang, 1962, u la Pule ha Seminary ha Upper Shillong, u la pyndep ia ka Philosophy na Christ King College bad ka Theology na Oriens Theological College jong ka Jylla Niam Bah Shillong bad la kyntang lyndoh ia u ha ka 23rd Kyllalyngkot 1994.
Kum u lyngdoh u la trei ha bun ki parish, u la ong kum u nongpeit ia ki khynnah pule jong ka Seminary Upper Shillong ha u snem 1994-1995; u la don ha Namdong Parsih 1995-2000; u don ha Parsih Ummulong 2000-2002 bad u la shim ti kum u Parish priest ha kane ka parish ha u snem 2002 haduh u 2007.
La poi biang sha Namdang ban peit ia ka skul kum u Principal ka High School ha Namdong ha u snem 2007-2009 ; Kum u Procurator ka Jylli Niam Jowai u snem 2009-2021 bad haduh mynta.
Ha dien ka jingkhlad u Rev Bishop Vincent Kympat bam kwai ha dwar u blei ia ka jylla niamJowai la peit na Shillong da u u Archbishop Dominic Jala bam kwai shipor shipor hadien kane la wan shimti shipor da u Archbishop Thomas Menamparambill bad ha dien jong u la phah ia u Rev Bishop Victor Lyngdoh banpeit.
Ia u Rev Bishop Victor Lyngdoh u la shah jied Archbishop ka Jylla Niam Bah Shillong ha u Nohprah 28, tarik u snem 2020, ha kane ka por u la hap ban peit lang ia ki ar tylli ki Jylla niam ka Nognstoin haduh ban da ioh ia u Bishop Willbert Marwein bad mynta la ioh ia u Bishop Ferdinand Dkhar.
U Bishop ba nyngkong jong ka jylla niam Jowai u dei u Rev phadar Vincent Kympat bam kwai ha dwar u blei u la shimti ia katei ka kam ha u snem 2006 bad u la khlad noh pat ha u snem 2011 u la shimti ia kane kam 2006 khlad 2011 nad ha dien khatar snem la ioh biang mynta u nongsharai Balang.
