Maligaon, Naitung 09: Ka kynhun pulit kaba la tip kum ka Railway Protection Force (RPF) jong ka N. F. Railway kila ioh ban kurup ia ki mar khaii beain na poh rel palat T.28.45 lak tyngka mynta u bnai bad kila ioh ban bat haduh 18 ngut ki briew kiba don kti ha kine kikam khaii beain.
Ia ki tiar bala ioh ban kurup bad ia ki briew kibala ioh ban kem la aiti sha ki pulit katkum ki Police Station kaba ki hap, na kitei kiba la shah kem phra ngut ki dei kiba la ioh ban kurup u drok heroin bala shong dor T.20 lak na Tinsukia Railway Station.
Ki pulit RPF kiba don ha Agartala Railway Station kila ioh ban kurup 15 kilo u Ganja bad ka dor jong u ka long T.1.5 lak tyngka, ha kane kila ioh ban kem lain gut ki briew, la ioh ruh ban kurup 70 kilo u Ganja ba shongdor haduh T.6.95 lak tyngka.
Ka tnad Railway jong ka Ri India kala shim ia ka rai ban ia khun pyrshah ia kine ki kam khaii jingdih pynbuaid bad ban pynlait ia ka ri na ki kam dork, na ka liang jong ki pulit RPF kiba la buh kyrpang tang ban peit ia ki Rel kila trei shitom ban ia khun pyrshah ia kine ki jingkhaii beain.
