Shillong, Naitung 11: Mynta ka miet ki riew sniew kila kawang maw ia ka iing sah jong ka myntri sorkar jylla ka Dr. Mazel Ampareen Lyngdoh ha Nongrim Road Laitumkhrah ba dei ka MLA na ka party NPP ha kaba ki iit la bun tylli kila paid ha kane ka jingjia ym shym don kano kano ka jingmynsaw ha kane ka jingshah ther Maw.
Ka Dr. Ampareen bad u kurim jong ka u bah Fantin Joseph Lakdong haba kila ioh sngew ia kane ka jingkawang maw ia ka iing kila mih sha bar bad u wei u briew u la pyrta da ka jingbyrngem byrsit ia ka myntri bad u tei u briew u la rah ruh ia ka wait bnoh ia kaba la iohi da u kurim jong ka.
Haba kren ha SP News Agency ka Dr. Ampareen kala iathuh ba ia u briew u bala rah da kawait bnoh bad tur ha phyllaw la iohi nyngkong da u MDC bad EM ha KHADC bad la hala bad ki ba iadon lang bad kiba iaid na surok kila ioh ban bat bad pyntip sha ki pulit bad pulit kila wan ban shimti.
U tei u briew u bla ioh ban bat la tip kyrteng kum u Teibor Lynting na Kharmalki u la hala ha surok bad haba ki briew kiba iaid na kane ka jaka kila iohi kila bat noh ia u bad pyntip sha ki pulit bad na ka liang jong ki heh pulit ruh kila poi mar mar sha katei ka jaka ban pynlong ia ka jingtohkit.
Ki heh pulit ka jylla ruh kila poi mar mar sha iing jong ka myntri bad ka jingtohkit halor kane ka jingjia kala iaid, kat haduh ba thoh ia kane ka khubor na ka liang jong ki pulit kila ioh ban kem tang ia uwei u ba la rah ia ka wait bnoh, ka jingthoh kit ka dang iaid ban shem la don em kiwei kiwei ruh.
