Shillong, Naitung 12: U bah Paul Lyngdoh myntri ka sorkar jylla na ka party UDP ba ia don lang ha kane ka sorkar khleh khaw lang kaba la tip kum ka sorkar Meghalaya Democratic Alliance-2 (MDA) u iathuh ba la shai ka sngi Palei u symbut myntri rangbah ka jylla un khot ia ka jingialang ia ki ophisar.
U bah Paul u la iathuh ba u la ia kren bad u myntri rangbah ka jylla u Cornad K Sangma bad u Symbut myntri Rangbah ka jylla u bah Prestone TYnsong halor ka jingpynjari ka DC jong ka East Khasi Hills District ia ka kyndon 144 CrPC ban phah khang ia ki dukan ha Shillong haka por 10.00 baje mynmieit.
Ka jingkhot ia ki ophisar kan long ban ia kren halor ka jinglong jingman ka shong suk shong sain ha kane ka nongbah Shillong, lah ban kdew ba ha kine ki sngi kala don ka jingshah thang ki kali pulit ha Laitumkhrah ha kaba la kem san ngut, ka jingshah kawang maw ka iing ka Dr. Ampareen myntri ka sorkar ha Nongrim Road Laitumkhrah.
