New Delhi, Naitung 12: Ka tnat Expenditure, jong ka tnat Kam Pla Tyngka mynta ka sngi ka la pyllait haduh T. 7,532 klur sha 22 tylli ki Sorkar Jylla na ka bynta ki State Disaster Response Fund (SDRF) jong ki. La pyllait ia kane ka pisa katkum ka jingai jingmut jong ka tnat Kam Pohiing.
Haba phai sha ka jylla Meghalaya, ka jylla kala ioh T.27.20 klur tyngka naka bynta ka ki State Disaster Response Fund (SDRF),kane ka pisa ka long ban kane ka long katkum ka jingai jingmut ka tnad kam poh iing sorkar pdeng.
Namar ka jingjur slap ha kylleng ka ri, la pynjem ia ki kyndon bad la pyllait ia ka pisa kum ka jingai jingiarap kaba mardor ia ki jylla khlem da ap ia ki utilisation certificate jong ka pisa ba la pyllait sha ki jylla ha u snem mang tyngka ba la dep.
La seng ia ki State Disaster Response Fund (SDRF) ha man ki jylla hapoh ka Section 48 (1) (a) jong ka Disaster Management Act, 2005. Kane ka pisa ka dei kaba don bad ki Sorkar jylla ban ai jingiarap haba don ki jingjialynshop ka mariang. Ka Sorkar Pdeng ka ai ka bynta kaba 75% sha ki SDRF ha ki jylla bad 90% ha ki jylla ka thain shateilammihngi bad ki jylla ha ki thain Himalaya.
Ia ka bynta jong ka Sorkar ha ka shi snem la pyllait ha ki ar bynta katkum ki jingai jingmut ka Finance Commission. Katkum ki kyndon, ka jingpyllait pisa ka wan hadien ba la ioh ia ka Utilisation Certificate jong ka pisa ba la pyllait ha ka bynta kaba la dep bad hadien ba la ioh ia ka kaiphod na ka Sorkar Jylla halor ki kam ba la trei da ka SDRF. Hynrei, namar ka jingkyrkieh, la weng shiporiakine ki jingdonkam haba la pyllait pisa mynta ka kynti.
Ia ka SDRF yn pyndonkam tang ha ka jingpynlut haba ai jingiarap mardor ia kito kiba shah ktah ha ki jingjialynshop bapher bapher jong ka mariang kum kaeriong, ka jingkyrduh um, u jumai, jingpluh ding, tsunami, jinghapphria, jingtwakhyndew, cloud burst, ka jingpynjulor ki khniang bad ka jingkhriattasam.
Ka jingai ia ka pisa SDRF sha ki jylla ka don nongrim ha ki bynta bapher bapher kum ki jingpynlut ba mynshuwa, ka jaka, ka jingdon ki briew bad ka jingma na ki jingjialynshop ka mariang. Kine ki bynta ki pyni ia ka jinglah treikam ki jylla, ki jingma ba ki iakynduh bad ki jingma ba don.
Katkum ki jingai jingmut ka 15th Finance Commission, ka Sorkar Pdeng ka la mang T. 1,28,122.40 klur ia ka SDRF na ka bynta ki snem 2021-22 haduh 2025-26. Na kane, ka bynta jong ka Sorkar Pdeng ka long T. 98,080.80 klur.
Ka Sorkar Pdeng ka la dep pyllait haduh T. 34,140.00 klur shuwa kane ka jingpyllaitpisa. Ha ryngkat kane ka jingpyllaitpisa mynta, baroh ka bynta jong ka Sorkar ha ka SDRF ba la pyllait sha ki Sorkar Jylla haduh mynta ka long T. 42,366 klur.
