Shillong, Naitung 14: Mynta ka sngi ki dkhot jong ka seng Hynniewtrep Youth Council (HYC) hapoh ka jingialam jong u General Secretary jong ka seng u bah Roy Kupar Symrem kila leit tur kynsan ha khmat ka Secretariat ban pyrta ban pyrshah ia ka jingpyrshang ka sorkar ban wanrah ia ka lynti rel sha ki lum khasi.
Ha kane ka jingleit ban pyrta pyrshah ia ka jingthmu ka sorkar ban wanrah ia la lynti rel sha Jaintia Hills kuba la kren da u myntri rangbah ka jylla, ha kane ka sngi kila pyrta ban pyntrei kam noh ia ka Inner Line Permit bad ban pynrung noh ia ktien Khasi ha ka khyrngit kaba phra ka riti synshar ka Ri India.
Ki dkhot ka HYC kila pynlong nyngkong ia ka jingshong kyllain mungor bad ha dien shiphang kila pynlong ia ka jingiapyrta halor kitei ki ar tylli ki jingdawa kiba ka iing dorbar thwain ka jylla kala shim ia ka rai ban pyntrei kam ia ka ILP bad ban pynrung ia ka ktien khasi ha ka khyrngit kaba phra jong ka riti synshar jong ka Ri India ia kaba dang sah teng haduh mynta.
U symbut myntri rangbah ka jylla u bah Prestone Tynsong u la khot ia ki nongialam ka seng HYC ban ia kren, ha kane ka jingleit ban ia kren la ialam da u general secretary u bah Roy Kupar Synrem, u bah Donboklang Kharlyngdoh bad ar ngut ki dkhot kaseng kila ia leit lang.
Haba kren sha ki lat pathai khubor ha dien bala ia kren bad u symbut myntri rangbah ka jylla u bah Roy Kupar Synrem la ong ba katba ym pat don ki ain ban iada ia ka jignwanrung kyrthep ki mynder ri ka seng kan nym shah dei lei lei ban wan rah ia ka lynti rel sha ki lum khasi, ka sorkar kam dei ban pyrkhat lynti rel katba pat pyntrei kam ia ka ILP.
Ha kane ka jingiaknduh na ka liang jong ka HYC kala kren shai ba kin nym shah ban wanrah la ka dei ka rl kitmar ne ka rel kit briew katba kam pat don kano kano kan ain ban iada la ka dei ka ILP ne kano kano ka ain ruh tang ba don kam ban iada na ka jingwan ki briew kiba na bar.
La iathuh ba ha kane ka jingiakren na ka liang jong u symbut myntri rangbah ka jylla u bah Prestone Tynsong u la kren shai sha ki nongialam ka seng ka kam pat don kata ka jingiakren ban wanrah lynti rel sha lum khasi bad jaintia bad kam donr uh ka jingthmu kaba kum kata.
