Shillong, Naitung 17: Ki pulit kila pynkhlian ia ka jingiaid pahara ha ki bynta jong ka khyndaitlad ban leh ei ei pyrshah ia ki thei die met namar ka jingleh jong ki ban khring ia ki briew, ym tang ba ka long beain, hynrei ka wanrah ia ki huri hura.
Ki pulit haduh mynta kila register ia ka ejahar pyrshah ia ki 15 ngut ki thie awria hapoh Sardar Police Station ka Case No. 177(07)2023 U/S 7(1)(b) katkum ka ain Immoral Trafficking Prevention Act. Ia kine la ioh ban bat da ki pulit bad kin sa leh katba don kam ka ain.
Ki Pulit kila pynlong ruh ia ki jingkhynra ha kylleng ka nongbah Shillong bad ki khap sor, la leh ia kane na ka bynta ka shong suk shong shngian bad ban pynthikna ba kan nym don kano kano ka jingjia kaba sngewsih. Ha kane ka jingkynra la don lang ruh ki pulit kynthei.
Ki jaka kiba la khynra ki long ha Motphran, Paltan bazar, Mawblei, Nongrim Hills, Iew Laitumkhrah , Mawlonghat, Urkaliar, Upper Shillong, Polo, Mawbah, Jhalupara bad Upper Mawprem ha kane ka jingkhynra la ioh ban kurup 1,12,097 ml ka kyiad phareng bad 7,74,000ml ka kyiad pyrsi.
Ka Shillong Traffic Police kala pynlong ia ka jingkhynra ia ki kali kiba ha ki bynta bapher bapher jong ka nongbah Shillong ban peit ba nym don kiba niah kali haba kila dih buaid, kiba tah iiet iong, kiba niah bike khlem deng helmet katkum ki kyndon ka MV Act. Baroh kikali kiba la shah dain kuna ki long 277 tylli bad ka pisa kaba la ioh lum ka long T.236500/- .
