Shillong, Naitung 17: Ka Dorbar Shnong Jaiaw Laitdom, ha ka 17 tarik u Naitung 2023, ka la pynkupburom ia u samla Damebanmerbha S. Blah u ba la jop ia ka Gold Medal ha ka India Open International Karate Championship ka ba la long ha Nongbah Delhi ha ka 17 bad 18 tarik jong u bnai june 2023.
U la iathuh ba u dang 16 snem ka karta, hynrei da ka jingtreishitom u la ioh ia u soh jong ka jingjop bad kane ka jingjop jong u ka la long ka burom ia ka shnong hi baroh kawei.
La pynkupburom ia u Dambanmerbha S Blah da u bah H. S Marweiñ u ba dei u rangbah Shnong jong ka Jaiaw Laitdom Pyllun, ha ka jingiadonlang ki rangbah jong ka shnong, ki longkmie ki longkpa, ki khun samla, ha ryngkat ruh ki ba ha iing jongu.
Kane ka jingpynkhup burom ka dei ka sien kaba nyngkong kum ka shnong jaiaw laitdom ka ioh ia une u samla u ba la wanrah ia ka jingjop bad ban Shah pynkupburom ha kaba iadei bad ka Karate, la ong u rangbah shnong.
Ha ba kren pat ha Kane ka sngi na ka liang u Rangbah shnong u la ong ruh ba ki samla jong ka shnong jaiaw kin sngewbha ban peit ia ka lynti kumba u ne u samla u la leh, ym ban ngop noh ha ki jingsniew u bad ki jingdih ba pynbuaid khamtam lei ia u Drugs.
Ha ka jingiakren bad ki nongthoh khubor na ka liang u samla Damenbhamerba u la ong, u la ialehkai naduh ba u dang don 10 snem eiei. U la ithuh ruh, Ka jingialehkai ka long kaba eh shibun khamtam lei ban ia Compared bad kiwei pat ki briew kiba nabar namar ki long ki ba kham bit kham biang, ki long ki ba heh briew, bad jrong, kumta ka shem jingeh ban ia khun,
U samla Damebanmerbha u la bynrap da ka ba ong, lada dei bad ki briew ki ba naka jylla lajong ki dang kham suk ban ialehkai.
U samla Damebanmerbha u la kyntu ruh ia ki para samla ki ba don ki sap ha ki liang ba pher ba pher ba kim dei ban pynlehnohei hynrei dei ban trei shitom khnang ban ioh kheit ia u soh jong ka jingjop, Khamtam eh ha kine ki sngi ka jingjur jong ka jingkyrni ha u Drog ki para samla, ba kin lait ruh na kine ki jingsniew.
