Shillong, Naitung 18: U Chief Engineer ka tnad sam um ka jylla u la pyntip paidbah ba la dep ban pyndait ban pynpur ia ki Pipe um ba dei jong ka bynta balai ka Greater Shillong Water Supply Scheme (GSWSS) bad mynta ka jingpyrshang ban pyntuid ia ka um na kine ki pipe ba dang dep pyndait thymmai ka dang iaid.
U Engineer ba ha khlieh duh jong ka tnad samla ka jylla u la ong ba ha kane ka por ba dang pyrshang ban pyntuid ia ka um na kine ki pipe um kiba dang pyndait thymmai ka um kalah ban jngut ha kitoki jaka kiba dang poi hymmai ka um na ki pipe kiba thymmai hapoh kane ka nongbah Shillong bad ki shnong kiba markhap.
Na ka liang jong ka ophis ka kyntu ia ki paidbah bakin ia shah khyndait por namar mynta kila pyntrei kam ia ka GSWSS jong ka bynta kaba lai ha kane ka nongbah Shillong bad ki shnong kiba mar jan kiba kynthup hakane ka bynta kaba lai jong ka GSWSS.
Na ka liang jong ka ophis kan ialehy katba lah ban pynthikna ba ka um kaba la pynpoi sha ki paidbah lyngba kane ka bynta kaba lai jong ka GSWSS ban pynioh ia ki paidbah ia ka um kaba khuid katba kloi lan, ong u engineer ba ha khlieh duh ka tnad sam um ka jylla.
