Shillong, Naitung 18: U President ka Krima Council, ACHIK u Thomas M Marak u la ong ba ka party KHNAM kam sngewthuh ia ka jingdawa ban pynlong ia ka Tura ka nongbah ba ar jong ka jylla, kum ka jylla Andhra Pradesh, Karnataka bad Uttar Pradesh, kiba don ar tylli ki nongah.
Naka liang ka seng ACHIK kala pynshai ba kane ka jingdawa ka long ban pynioh ia ki kam pynroi kiba mar ia ryngkat ha baroh ki liang bad ia kane ka jingdawa la dawa na duh ka snem 1972 kaba dang ioh ia ka jylla, hynrei mynta la 51 snem pat lah leh ei ei.
Ka jingkam jong u Working President ka seng KHNAM u bah Thomas Passah ba ka Garo Hills kala ioh bun ki kam pynroi ha ki phews nem jong ki sorkar kiba la leit noh, halor kane ka seng ACHIK ka khot sngewbha ia u nongialam ka KHNAM ban leit jngoh iaka Garo Hills ba un peit ia ki jingkylla ban ia nujor bad ka sor Shillong.
Haba peit ia ki kam pynroi na ka Smart City ka sor Shillong ka ioh T.800/-haduh T.1000/- klur tyngka katba ka Tura ka ioh tang T.50 /- klur tyngka, ki ophis kum ka MATI, Meghalaya Legislative Assembly, NEIAH, IHM, NIFT bad ka Shillong Technology Parks long tang ki katto katne tylli na pdeng kiba bun ki kam pynroi.
Ban pynioh ia ki kam pynroi kiba mar kajuh, ka seng ACHIK ka kyntu ia u bah Thomas Pass ba yn ai ka jingkyrshan ia ka jingiakhih ka seng ban wanrah ia ka jingiatylli hapeng ki ar tylli ki kynhun jaidbynriew ymban wanrah ia ka jingsngewthuh bakla.
