Shillong, Naitung 19: U Pa,im Mewel Shadap 87 sem u Syiem ka Raid Nongtung, hpoh jong ka hima Khynriem u la khlad noh ha ka sngi ba ar ha iing sah jong u ha Umpowin ha Ri Bhoi District ha dien ba ka jingpang kala bat katto katne bnai.
U Pa,im Mewel Shadap u la shah jied kum u syiem ka raid Nongtung ha u snem 2007, kane ka raid ka iar shaduh Block 2 kaba hap hapoh jong ka District Karbi Anglong West ka jylla Assam ha kaba ki shnong Khasi ki don haduh 18 tylli hapoh ka raid.
Ka jingleit on tep don burom ia ka met jong u Pa,im Mewel Shadap kan long la shai ka sngi Palei ha u lum jingtep jong ka Balang Presbyterian ka shnong Umpowin bad ia ka jinglehniam kan sdang ha ka por 11.00 baje mynstep.
U Pa,im Mewel Shdap kum u Syiem jong ka raid u la ioh ia ka lat ban pyndep ia ka shat ka Raid Nongtung kaba lai sngi naduh ka 10/Iaiong bad la pynkut haka 12th Iaiong 2023, ha kaba u la kren ba kane ka jingshad ka dei ka ban pynneh pynsah ia ka riti dustur kaba kyrpang ka raid.
U Pa,im Mewel Shadap u dei u wei na ki riew rangbah u tip bha ia ka jinglong jingman katei ka raid bad na ka por sha ka por la juh kren ba iaki 18 tylli ki shnong Khasi kiba don hapoh Block 2 ban pynioh biang sha ka jylla Meghalaya.
