Shillong, Naitung 20: Ki shipai BSF kiba don ha Umkiang haba kila ioh jingtip ba don kali ba kit kulai ban shallan thuh sha Bngladesh, namar ia ioh ia katei ka jingtip kila pynlong ia ka jingtalashi ia ki kali bad ha kane ka jingtalasi kila ioh ban bat ia kawei ka trok kaba 9 tylli ki kulai.
Ia kine ki kulai la ioh ban kurup na ka trok kaba la ieng ha surok ha Umkiang jong ka surok bah No.6 ha East Jaintia Hills District, na ka liang jong u nongiah ia ka trok u la phet krad na katei ka jaka ban lait na ka kti jong ki shipai BSF.
Ki BSF kila beh kthong ia katei ka trok kit kulai hynrei kam shym la sangeh hynrei da poi ha jaka theh umphiang ha Umkiang u nongniah u la pynsangeh ia ka kali bad phet krad Ia de tang ban lait na ka kti ong ki shipai BSF.
Ia ki kulai kiba la ioh ban kurup la aiti sha ki pulit jong katei ka jaka ha Umkiang ba kin leh ia kaba don kam, kane ka long ka sien kaba nyngkong ba ki shipai BSF kila ioh ban kurup ia ki kulai bala thmu ban phah sha Bangladesh.
