Shillong, Naitung 21: Ki shipai BSF kiba don ha Pyrdiwah mynta ka sngi kila ioh ban khang lat ia ki nonghaii beain ba thmu ban phah ia ki jain Saree sha Bangladesh na Pyrdiwah ha East Kahsi Hills District.
Kine ki jain saree kiba la ioh kurup da ki shipai BSF kila shongdor haduh T.10 lak tyngka, ia kine ki jain la kit da ki briew da ka jingthmu ban rung sha Bangladesh namar ha katei ka jaka dang don kiba khlem pat ker ksainar shiah.
Ki shipai BSF kiba ap iaid pahara ha katei ka jaka kila ioh na jngai ia ki briew kiba kit kiba iaid beit beit ban leit sha Bangladesh , na ka liang jong ki shipai BSF kila beh sha ki hynrei namar ka jinglong khlaw ki nongkit kila bret ia ki jain bad phet ban lait na ka kti ki shipai BSF.
Ia kine ki jain kiba la ioh ban kurup ki shipai BSF kila aiti noh sha ki bor kiba dei peit ban leh ia kaba don kam, na ka liang jong ki BSF ki la peitngor bha ia ka khappud ban pynthikna ba ka ki kam beain kin nym ioh lad ban ia khaii beain.
