Shillong, Naitung 23: Ka General Assembly ka balang ‘Presbyterian Church of India’ (PCI) ka pyntip bad kyrpad ia baroh ki balang ban pynlong ia ka jingduwai kaba kyrpang na ka bynta ka jylla Manipur ha ka sngi blei ban wan ha ka 30th Naitung 2023.
Ha kane ka jingduwai ka ban long la sngi u blei ka long ban duwai na ka bynta kiba shah ktah ia ka jingia kajia ha Manipur, ba u blei un pynioh biang ia ka jingsuk hapoh ka jylla Manipur, na ka bynta ki khristan ha katei ka jylla kiba la shah ktah.
Ban duwai na ka bynta ki nongsynshar ka jylla Manipur bad ka Ri India ba kin wat ki lat ki lynti kumno ban wanrah ia ka jingsuk ha katei ka jylla ban pynduh pyndam noh ia ka jingiakynad ha katei ka jylla.
Katkum ki jigntip kiba la ioh, ki iing mane kiba la shah pynjot ki long 76 tylli, ki ophis jong ki balang 40 tylli, ki hall ba pynlong Sunday skul ki long 24 tylli, ki shnong 28 tylli, kiba shah pyniap 9 ngut.
Ki briew kiba shah thang bad pynjiot 717 tylli, ki bynriew bym don jaka shong jaka sah ki long 5623 ngut, ki iing kiba shah tuh ka jingdon jingem ki long 642 tylli, kine ki long ki jingtip kiba la ioh naduh bala sdang kane ka jingiakhih ha ka 3rd Jymmang 2023 haduh mynta.
